BEYNƏLXALQ TƏŞKİLATLAR MÜASİR BEYNƏLXALQ MÜNASİBƏTLƏR SİSTEMİNİN ƏSAS AKTORLARI KİMİ
Xülasə
Vestfaliya müqaviləsi ilə əsası qoyulan müasir beynəlxalq münasibətlər sistemində dövlətlərarası münasibətlərin tənzimlənməsi və əməkdaşlığın qurulması üçün beynəlxalq təşkilatlar mühüm rol oynamağa başlamışdır. Son onilliklərdə beynəlxalq təşkilatların sayı və funksiyaları sürətlə genişlənmişdir. Əvvəllər dövlətlərin səlahiyyətində olan bəzi funksiyalar artıq beynəlxalq təşkilatlar tərəfindən həyata keçirilir ki, bu da dövlətlər arasında inteqrasiyanı artırır. Bununla yanaşı, dövlətlərin bəzi öhdəliklərinin qeyri-dövlət aktorlarına ötürülməsi yeni risklər yaradır. Birləşmiş Millətlər Təşkilatı (BMT), Avropa İttifaqı (Aİ) və digər beynəlxalq qurumların üzv dövlətlər qarşısında məsuliyyəti və onların qərarlarına təsir imkanları bu kontekstdə önəmli müzakirə mövzusudur. Nəticə etibarilə, beynəlxalq təşkilatların fəaliyyəti və təsiri üzv dövlətlərin maraqları və nəzarət mexanizmləri çərçivəsində formalaşır.