KİÇİKYAŞLI MƏKTƏBLİLƏRİN İDRAK FƏALİYYƏTİNDƏ ZEHNİ ƏMƏLİYYATIN MƏRHƏLƏLƏRİ
Xülasə
Məqalədə sübut edilir ki, bütün iş prosesində inkişafetdirici təlim sisteminin quruluşunu təçkil edən amilləri nəzərdən keçirərkən, müəllimin şəxsi yanaşmasını nümayiş etdirməsi, innovativ konsepsi¬yaları, tədris proqramlarını, universal metodiki vəsaitləri, eləcə də inkişafetdirici təlim üzrə cari dərslikləri təhlil edilməsi səmərəli olardı. Fikrimizcə, problemli təlim nəzəriyyəsinin inkişafının müasir mərhələsinin özəlliyi ondan ibarətdir ki, o, təkcə şagirdlərin qarşısına problem qoyaraq təlimin fəallaşdırılması ilə məhdudlaşmamalıdır. Düşüncə psixologiyasına dair müasir biliklər bizə yalnız şagirdin qarşısında problem qoymağa deyil, həm də bu problemin həllini idarə etməyə imkan verən şərait yaratmalıdır. Məqalə tədqiqatçı – alimlərlə bərabər, praktik müəllimlər üçün də faydalı ola bilər.