FRANSIZ VƏ AZƏRBAYCAN DİLLƏRİNDƏ İNDİKİ ZAMANIN STRUKTUR-QRAMMATİK XÜSUSİYYƏTLƏRİNƏ DAİR BƏZI QEYDLƏR (BİR SIRA BƏDİİ ƏSƏRLƏRİN MATERİALLARI ƏSASINDA)

Xülasə

İndiki zaman hər iki dildə hadisələrin mövcud anda baş verdiyini və ya ümumi həqiqətləri təsvir etmək üçün istifadə olunan əsas zaman formasıdır. Məqalədə fransız və Azərbaycan dillərində indiki zamanın struktur-qrammatik xüsusiyyətləri, oxşarlıqlar və fərqliliklər müqayisəli şəkildə araşdırılır. Eyni zamanda fransız dilində indiki zamanda feillərin qruplar üzrə təsriflənmə qaydası, bu zamanın morfoloji quruluşu, sintaktik funksiyaları haqqında məlumat verilir. Həmçinin bədii əsərlərdə istifadəsi, ifadə etdiyi məna və hadisələrin təsviri məsələlərinə toxunulur. Müxtəlif janrlarda (roman, dram, hekayə və şeir və s.) yazılmış bədii əsərlərdən nümunələr gətirilərək orada hansı məqsədlə bu zaman formasının işlədilməsinin izahı verilir. Müəlliflər indiki zaman vasitəsilə hadisələri oxucunun gözündə daha canlı və təsirli göstərməyə, xarakterlərin düşüncə və hisslərini oxuculara daha yaxın şəkildə çatdırmağa və psixoloji təsir yaratmağa nail ola bilirlər.